鷹隊後衞D鍾斯(右圖)周三對湖人一戰,令湖人嘅拜恩拗柴,已經成為湖人球迷嘅公敵,球迷已經不斷轟炸D鍾斯嘅Twitter,包括怒斥佢茅王、大話精等。D鍾斯面對強大壓力態度亦都軟化,由之前堅持拜恩進攻犯規在先,到𠵱家扮無辜,講自己盡力防守,完全冇傷拜恩嘅念頭,仲話某角度睇,拜恩冇踩到佢隻腳。不過聯盟就承認冇吹D鍾斯犯規係失誤。