【本報訊】新任全國人大常委范徐麗泰，為力挺湖南省委書記周強被選為最高人民法院院長，不惜指被自殺的李旺陽是一件「醫療上面嘅事故」，又指內地人不覺得李旺陽事件有何重要。支聯會主席李卓人炮轟范太言論冷血、無視北京侵犯法治行為，支聯會會就李旺陽事件去信聯合國人權委員會投訴。
公民黨斥埋沒良心「抵佢做常委」
李旺陽被自殺發生於周強出任湖南省省委書記期間，事後周強辯稱李死於自殺是事實非常清楚、證據非常確鑿，遭香港聲援李旺陽人士批評歪曲事實。范徐麗泰昨被問周強處理李旺陽案被批，是否適合做最高人民法院院長時，竟聲稱李案是醫療事故：「呢個唔係一個法治嘅問題，李旺陽事件其實同最高人民法院冇乜嘢特別嘅關係，係當時一件、當地一件醫療上面嘅事故，咁就由公安處理，咁所以我就唔知道點解會同法院有關」，她又指「其實內地嘅人，根本冇咩人知道李旺陽事情，就算知道嘅，都唔係覺得係特別有啲咩嘅重要性」。
李卓人狠批范徐麗泰「根本百分之百係江青﹗佢係冷血兼扭曲咗事實，無視侵犯法治嘅行為」，李指出，李旺陽事件涉及酷刑、被殺，以及李旺陽家人被失蹤或拘留，「全部都係法治問題，如果你未得到家屬同意就燒咗條屍，咁仲唔係法治問題？」支聯會會去信聯合國人權委員會，指斥北京就李旺陽事件回覆委員會的說法有違事實，希望委員會繼續關注。
公民黨陳家洛亦怒斥，范太的言論埋沒良心，「抵佢做人大常委啦，佢𠵱家咁樣嘅態度，好明顯照足官方口徑、官方版本，佢連指出個問題都唔敢，選擇將個問題扭曲，否定李旺陽事件係一件人權事故，絕對係同事件大相逕庭」。