【本報訊】疑兇對雙親狠下毒手，早年已在網誌見端倪。周凱亮撰文歸咎父母望子成龍的「填鴨式教育」，令他無做運動而長得矮小，難以結交女友，最終對人生絕望，又怨恨地在網上誓言：「臨死前，一定拉多幾個我生前最憎恨的人落去陪我！」
稱遭父母奪去尊嚴
洋名Henry的周凱亮，在香港修畢中四後便放洋澳洲留學三年，其後回流香港工作，曾當過幾月記者工作。他曾在網誌透露父母望子成龍，自小要他學琴，又要求他每日閱讀南華早報練習英文，但他在字裏行間表明毫不領情，更埋怨父母令他「矮仔媾唔到女」。
「我六歲開始學琴，根本就唔係我gee（嘅）決定，開始咗又唔俾我放棄，我加入和退出，都係我父母安排……我總是覺得如果這麼多年的童年，可以把所有彈琴之時間用作運動之用，心裏面總覺得自己不會像今日身材這麼弱小，能夠找到異性的機會就更多。」
文中還提到父母令他失去尊嚴。「試想像下，如果我父母兩個俾我蹧躓，佢哋要去做佢喜歡的事，我唔俾佢出門口做，要佢拎起份南華早報日日睇學英文，睇唔掂就唔使旨意出街行山、食飯。日日做最少兩三個鐘，仲要年年一次考試，將一個人的人生尊嚴、自由，攞走佢。」
疑兇難以結交女友後，便開始寄情格鬥電子遊戲，尤其喜愛《鐵拳》，經常流連銅鑼灣機舖打機，亦因這個嗜好與父母決裂，他去年底曾在facebook留言：「打幾晚機夜翻（返）屋企又俾人發脾四（氣）」，甚至以英語點名責罵父親，聲稱沒有過錯，根本不用悔過，顯示與家人關係決裂。