【本報訊】疑兇的35歲兄長周凱膺，連日來為尋找失蹤父母疲於奔命，由設立facebook專頁、報警，以至找傳媒幫手，樣樣親力親為，只盼望最終能一家團聚。豈料當得知父母消息時，卻是噩耗，兇手竟是父母所疼錫和曾經放洋的胞弟，警方昨晨登門拘捕其弟時，他大感錯愕，一家四口只剩自己在家中，在痛失父母和胞弟將陷囹圄的雙重打擊下，對昨晨記者的查問，只推指：「我要瞓覺，唔好搞我！」
記者：鄭文輝 張 軍 劉燕婷
昨晨10時許，本報記者得悉周榮基兩夫婦失蹤案件的驚人發展後，第一時間致電死者長子周凱膺查詢。當時凱膺聲線正常，被問到尋找父母進展如何時，他說：「未有消息。」惟問及警方有否聯絡他和胞弟是否在家時，他卻顯得不耐煩，推說指要睡覺，以及以「唔好再打擾我」為由，匆匆掛線。
電話錄音懷緬父聲線
「究竟去咗邊？可以做嘅我哋都做晒！」父母失蹤近兩星期，作為長子的凱膺對此頗感擔憂，並盼望父母最終能平安歸來，一家團聚。凱膺日前在facebook開設尋找父母的專頁，並向失蹤調查組求助，直至本周三向本報記者指，父母與人無怨無仇，也沒有欠債，身體一向健康，一家人相處融洽，對於他們突然人間蒸發，感到迷茫。
惟萬萬想不到，一日之間，父母失蹤案卻變成謀殺案，矛頭更指向其朝夕相處的胞弟Henry。昨晚凱膺往警署協助調查時，亦一面惘然。Henry在前晚的WhatsApp中，亦提到胞兄：「我唔想嚇親大佬，我會喺最後一刻先講畀佢知，因為佢會失去三個家庭成員，會獨自一個繼續生活落去。」
命運弄人，父親的樣貌和聲線，現只能靠相簿和電話的錄音作懷緬，「我係周榮基，𠵱家唔得閒接聽你嘅電話，請你留低口訊。」男死者周榮基的電話現時已經無法接通，只可聽到簡短的留言。對於周氏夫婦遇害，街坊均感到嘆息。
死者常與幼子吃早餐
據悉，兩夫婦經常與細仔Henry結伴往西環正街街市一間食肆吃早餐，可惜此情此景不復存在。餐廳東主趙太指出：「佢哋兩公婆好文靜，佢同佢細仔每次嚟都有講有笑，經常點椒鹽鮮魷食。」對於兇手卻是兒子，她感到愕然說：「點解會做得出㗎？」
鄰居何太亦指出，兩夫婦斯文善良，對夫婦不幸遇害，感到可怕和震驚，並難以置信。鄰居阮太則指，曾與Henry的母親打招呼和傾偈，對其子涉殺害父母感到錯愕：「佢細仔冇嘢做，平時神情呆滯，好宅男，淨係食飯個陣先會落街買飯盒，好唔精靈。」
據說，周氏長子凱膺從事IT工作，一家四口同住西環第二街西園一個單位，夫婦於1988年以71萬５千元購入單位，現時估計已升價10倍至逾700萬元。此外，亦有幾幢物業收租。
近年倫常慘案事件簿
05/2012：53歲精神病男子在秀茂坪家中狂性大發，持菜刀斬傷母親、妻子和兩女兒，與警對峙後跳樓死亡。
01/2012：38歲醉酒男子與75歲老父爭執，在黃大仙下邨住所以摺凳打死父親，被控一項謀殺罪。
08/2010：38歲疑有精神病女子，在黃大仙竹園邨家中斬甩70歲母親頭顱，然後燒屋跳樓死亡。
07/2010：15歲失常少年在荃灣家中斬死12歲妹妹再殺死母親，報警自首。
01/2010：47歲女保安員在牛頭角樂華南邨家中，與67歲母親爭執期間將母扼死。
資料來源：《蘋果》資料室
蘋民洗版
Michael Chau
殺父母都已經係天理不容㗎啦！你仲要碎埋屍，扮晒嘢上facebook開Group呃其他香港人？
Phoebe Lee
人面獸心，人渣，賊喊捉賊，等天收啦你
Tommy Fung
完全諗唔到個仔點殺自己父母，講真，正常人打同罵父母都做唔出啦
Ivan Choi
呢D人渣等天收啦，不得好死呀！！！
Patrick Chow
殺人仲要扮尋親，我們的善心被利用了
Kitty Un
點解連自己父母都落到手！！！真係咁憎佢？
節錄自蘋果日報facebook留言