麥浚龍今次在新碟中找來的拍檔是擁有一把靚聲的林二汶，兩人合唱了《逆蒼生》一曲。原來他們同是02年出道，雖然10多年來都沒合作過，但巧合的是兩人的音樂班底大部份相同。二汶笑言很多人都估不到她被Juno「點燈」，她說：「佢可以話係我阿哥之後，第一位同我正式合唱嘅陌生男子，我哋見面唔多，但佢嘅碟我隻隻都會買，佢做碟嘅方式都畀到我好大嘅啟發。」
大讚溫柔
對於以往Juno有不少負評，二汶希望為他抱不平：「有資源畀你，唔代表你用得叻，只係大家覺得捱苦嘅故事好睇啲。Juno真係好用心做音樂，點解一開始就要judge佢嘅屋企背景。加上我自己都係做呢行，我唔信囉，有啲人選擇出嚟解釋，有啲人選擇唔出聲默默咁去做。」最後二汶更說笑道：「大家一直以嚟俾Juno身上嘅全黑打扮呃到啦，佢份人一啲都唔cool，只要大家用心去睇清黑超背後嘅佢，佢係一個好細心溫柔嘅男仔。」
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/