今季重返英超嘅修咸頓，最近8場聯賽只贏得嗰1場，𠵱家排緊尾5，同降班區域只得4分距離，護級形勢水深火熱。教頭普捷天奴（圖）壓力就當然越嚟越大，不過佢仲有心情講笑，話希望同屬阿根廷嘅新上任教宗方濟可以打救佢；普捷天奴仲話，教宗將會賜佢同修咸頓力量，而佢亦希望阿根廷另外兩位「神人」美斯同馬勒當拿可以支持佢。