【本報訊】今時今日走進香港的聖堂，神父說的是廣東話，信眾看到的不是神父背面，這一切，都拜先教宗若望廿三世所賜。該位出身平凡、當選時已77歲的教宗，上任後三個月提出召開梵蒂岡第二次大公會議的構想，為教會帶來翻天覆地的改變。香港教區榮休主教陳日君樞機形容，教宗方濟與若望廿三的作風極相似，相信對方會帶領教會走入新時代。
「我一見到佢行出嚟，嘩，乜咁似若望廿三世嘅！」原名龍嘉利的若望廿三世，在1958年接替已故的教宗庇護十二世，以77歲高齡當選教宗，被視為只是過渡教宗，結果帶領天主教會進入一個新時代。
陳日君指，教宗方濟作風低調，與出身平民的若望廿三世氣質極似，「佢（若望廿三世）之前嘅庇護十二世，個樣好嚴肅、好貴族，聰明又有學問，但若望廿三世就好似個農民咁，你睇噚晚佢行出嚟，唔係好似若望保祿二世咁，好識得做戲、做手勢，只係呆呆咁企喺度，好平實，好可愛。」
若望廿三世於上任第三個月便提出召開大公會議的構想，務求令教會適應時代。他在1963年6月3日逝世，享年82歲，「所以證明年紀大唔係問題，若望廿三世都做咗咁偉大嘅事，我相信新教宗會有新嘅作風，但暫時毋須大公會議，因為50年前會議的主張仍然有效。」