復活節未到，灣仔合和中心對出已有四隻巨型Angelhood復活兔跳出嚟應節。呢四隻復活兔，唔止畀大家自拍開心share咁簡單，而係肩負回收任務，佢哋嘅屁屁位分別可以回收廢紙、充電池、鋁罐同塑膠；回收期至下月5號，灣仔OL不妨趁食lunch時響應環保回收，兼自拍影相。
回收行動查實由合和同綠領行動合作。綠領行動總幹事何漢威覺得，港人環保意識日漸提高，好似啱啱搞完嘅回收利是封運動，收到近200萬個利是封，較去年多成倍，當中以領匯商場嘅回收箱收集量最多，暫定年尾分發畀市民重用，幫市民慳錢之餘亦慳番好多紙。