林德信外婆、吳正元母親劉茜蒙本月4日病逝，昨日於香港殯儀館出殯。久未於香港露面的吳正元因回港為林德信慶祝生日，幸能陪伴母親走過人生最後階段，而前夫林子祥前晚亦有到殯儀館致哀。
林德信（Alex）前晚到灣仔會展為《新城鑽動真情音樂會》任嘉賓，台上獻唱張國榮的《寂寞有害》時突然感觸地說：「舊年3月我喺懷念哥哥嘅騷有唱呢首歌，今年都一樣，不過就有事發生，我將首歌送俾啱啱過身嘅婆婆，唔駛擔心，我OK。返公公屋企食飯，佢仲將婆婆張相放喺枱度，我愛公公同婆婆，特別將呢首歌送畀佢哋。」
Alex最擔心外公
事後Alex受訪時透露外婆於本月4日辭世，他說：「佢病咗成5、6年，有好多病痛，呢幾年身體都唔好，不過能夠有咁多親人睇住自己走，係幸福嘅事。而且媽咪啱啱喺三藩市返咗香港同我慶祝生日，點知就撞正婆婆病，將來自己呢一日都想有一家人喺身邊。」他又表示自己和媽咪的心情都OK，但最擔心公公，他說：「公公要適應冇咗伴侶嘅生活，要多啲時間陪佢，不過媽咪本身喺三藩市搞瑜伽嘅嘢，所以都唔會留低」。
阿Lam安慰前外父
自94年與林子祥（阿Lam）離婚後定居美國，甚少在港露面的吳正元，昨日一早就到靈堂打點，及至9時剛過大殮儀式完畢後，戴上口罩與太陽眼鏡遮掩愁容的吳正元，與妹妹與妹夫出現於殯儀館大堂，一眾家人由Alex代表接受記者訪問，Alex說：「今次係我第一次送別屋企人，都唔知應該點樣嘅心情，但係好彩所有屋企人都在場，大家講番婆婆以前嘅回憶，覺得好開心」。
Alex希望婆婆不用再擔心自己，因為自己已經大個仔，又透露父親林子祥前晚已到靈堂致祭，更一直鼓勵失去老伴的外公。之後Alex即與母親、妹妹等家人一同登上旅遊巴離開。而一身黑衣素服的阿Lam，前晚7時就與男友人到銅鑼灣的意大利餐廳晚飯，約一小時後兩人離去，面紅紅的阿Lam應該飲了不少酒，友善地跟記者打招呼，然後登上友人的勞斯萊斯座駕離開。
採訪：梁繼光、羅德光、何慧斯、藍文浩
攝影：陳順禎、徐錦池、彭琮然
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/