曼聯同車路士喺周日場英足盃8強，以2:2完場，需要再分勝負；英足總終於決定，呢場重賽喺4月1號（星期一）愚人節舉行。為咗遷就呢場波，原定3月31號嘅英超車路士作客修咸頓，會早一日喺3月30號踢；而同日，曼聯亦要作客新特蘭。所以車仔同紅魔踢完聯賽，只係唞得兩日就要踢重賽，行程非常緊密。呢場重賽嘅勝方會喺4強鬥曼城。