譚詠麟（阿倫）、鍾鎮濤（阿B）、陳友及彭健新昨到大圍錄影飲食節目，提及五大唱片與無綫破冰，阿倫指有工作在身，故將缺席下周四的記者會，但提議無綫製作《溫拿狂想曲》，阿B更希望加插後生版：「我想搵飛輪海是但一個，吳尊就最好。」健仔想找蘇永康，陳友則想找李治廷扮自己，即被柴台指差好遠。阿倫笑說：「我搵關楚耀，阿強就求其搵人戴個假髮，或橋底打小人嗰啲都得。」
另環球唱片助理總經理譚先生表示旗下歌手不會與無綫簽歌星約：「我哋唔會淨係做TVB，其他台都會做，之後嘅合作再慢慢傾，記者會落實會去嘅有關楚耀、林德信及Robynn & Kendy，陳奕迅、克勤同阿倫有工作去唔到，而克勤係會做博愛個騷，陳慧琳就唔得。」
採訪、攝影：李珮洳
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/