代表廠商會嘅立法會工業界議員林大輝，盛傳下屆轉戰新東直選。但地區直選除咗鬥知名度，仲要鬥資源、鬥樁腳，原來大輝今年初已經落戶喺沙田好大勢力嘅公民力量，為直選打好陣腳；早幾日沙田田心選區補選，大輝都交足貨，幫手企街站派傳單為黨友潘國山拉票。上屆立法會選舉前，龐愛蘭「嫁入」公記後，對方畀咗七隻樁腳幫佢抬轎；若下屆選舉大輝得到公記力撐，加上今屆落力砌梁振英令知名度大增，勝算被睇高一線。大輝證實係公記韋國洪提出入黨邀請，今年元旦正式加入。大輝自言加入咗好多地區組織，由佢一手搞嘅C18亦會繼續運作。