中環中心地帶，有條小巷連接畢打街與戲院里，每逢午飯及下班時間總會出現奇景，身穿黑絲襪、短裙的OL齊齊脫下高跟鞋交給補鞋檔修理，為這條窮街陋巷增添貴氣。
小巷不足百米長，卻有四家補鞋檔，其中對正港鐵站D2出口的祥記生意最好，檔主崔艷嫦是這小巷中唯一的補鞋女當家；幾十年來胼手胝足，令無數中環OL的路好走一點，自己的人生卻崎嶇顛簸，兒子還未滿月，丈夫便撒手塵寰，她只好咬緊牙關捱下去。圖、文：中環特工隊
事頭婆置身鞋海中，一天到晚只顧低頭補鞋，對記者不大理睬，我們從她的知己成哥口中得知事頭婆的淒慘身世。「聽佢講，個仔出世唔夠一個月丈夫就過身，病吖嘛，乜嘢病唔知喎！」在上環開設修鞋店的成哥說。
披甲承祖業單打獨鬥
30多年前崔艷嫦從肇慶來港與夫團聚，滿以為從此有好日子過，丈夫卻遽然離世，留下孤寡。事頭婆只好披甲上陣，接手70年的祖業。
鞋字半邊難，在中環街頭單打獨鬥談何容易，成哥說：「整咗啲膠水（在客人鞋面上）抹唔甩咪要佢賠囉，幾千蚊，佢賠過好多對，有啲客好麻煩，要佢賠晒成對！」
幸好鞋字也有半邊佳，八年前老江湖成哥遇上崔艷嫦，傳授街頭智慧，「我叫佢（惡客）拎張單嚟，賠咗留低對鞋。佢以前唔係㗎，鞋都畀埋人」。
隔籬檔欺負事頭婆，在她檔前潑水，成哥也看不過眼，「特登潑水整濕條路，唔抵得佢咁好生意囉！我唔鍾意蝦人，亦唔想佢俾人蝦，要反抗到底，惡過佢！」
老鞋匠背後默默支持
記者發現，只要有成哥在場，事頭婆緊繃的臉容才放鬆，罕有地流露微笑。二人存在着若有還無的感情，成哥解釋二人只是生意拍檔，事頭婆做不來的工作都交給他，「我收佢錢㗎，佢每個月都畀到成萬蚊生意我㗎！」但他承認有時不收費，「睇佢孤兒寡婦，幫到咪幫囉，反正我搵到少少錢」。
成哥每晚把已修好的皮鞋送到中環給她，順便幫她收檔，又曾上門替她換燈膽、修水喉，分文不取。義氣仔女，難道心無雜念？「唔諗就呃你嘅，但之後做生意點呢？仲收唔收錢呢？我都要皮費㗎嘛，要考慮個後果」。說到底，涉及金錢便複雜，還是讓這段關係簡單一點吧。人非草木，木訥如事頭婆也心下雪亮，「感激……咁有時佢幫我，有時我幫佢囉！」
OL貪方便
中環爆料熱線
WhatsApp：9499 3777