曾演出《大時代》、《射鵰英雄傳》的老戲骨江毅，前日因肺癌撒手人寰，江毅縱橫影視圈數十年，演技爐火純青的他，生前演活無數角色，圈中人對他的死訊深感惋惜，祝他一路好走，據知喪禮採佛教儀式，曾跟他一起鑽研佛法的馮素波，將到靈堂誦經送故友最後一程。
江毅前日病逝，享年81歲，罹患肺癌的他於前午病逝律敦治醫院，圈中好友惋惜不已，記者致電曾跟他合作拍《大時代》的鄭少秋，由其太太官晶華代答：「睇到好唔舒服，雖然冇乜見面，但佢係我好欣賞前輩。」
群星惋惜哀悼
江毅好友馮素波接受電話訪問感嘆說：「3月10號去醫院探過佢，大家互相鼓勵，我哋一齊鑽研佛法，佢為人好堅強，未知幾時出殯，但會係佛教儀式，到時會去幫佢誦經。」王俊棠則指江毅是末期癌病，他說：「佢有層樓，經濟應該冇問題。」監製楊紹鴻則說：「佢出名叫江監製，連人哋嘅對白都記埋，見人唔熟劇本就會鬧，但鬧完又會幫佢哋。」
王喜、歐陽震華、王祖藍、黎芷珊等都在微博悼念，汪明荃留言：「從你身上學習了很多演技知識和技巧，一生受用，多謝你！」莊文強透露有意請江毅拍《竊3》，對他離世感可惜。
江毅原名鄧兆移，於60年代加入娛樂圈，74年轉投無綫後拍了數十部家傳戶曉的劇集，83年江毅在《射鵰英雄傳》扮演「郭靖」黃日華大師傅「柯鎮惡」，及92年拍《大時代》扮股壇大亨，在劇中跟鄭少秋、劉松仁、劉青雲過招，好戲連場，遺作是前年拍攝的電影《竊聽風雲2》。
採訪：丁寧
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/