吳千語昨日與糖妹的男友Dominic在尖沙嘴出席護膚品活動，昨日為白色情人節，Dominic即場跳舞隔空冧糖妹，問吳千語可有準備禮物送給男友林峯？她說：「唔講得住，你哋下次問佢啦。」有指林峯帶她見朋友，被人叫峯嫂，她表示只是剛好有空出席他的朋友聚會，但沒叫峯嫂。她又透露有帶林峯見老闆黃百鳴，林峯可有帶她見家長？她說：「公開場合見過，未食過飯，𠵱家乜嘢年代？唔需要刻意去，順其自然啦。」
對於林峯日前直言希望女友盡量避免拍咀戲，吳千語指如果劇情需要不會避，也不會要求男友不接咀戲：「之前又唔係冇拍過，做嘢都知道可以借位。」她不覺得男友此舉是大男人，反而覺得搞笑。
採訪：盧妹
攝影：葉君海
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/