中環迷你裙:出前一丁要爭氣 - Samantha

中環迷你裙:出前一丁要爭氣 - Samantha

有市場研究機構調查指,康師傅(322)即食麵擊敗生產「出前一丁」的日清,成為亞洲No.1,康師傅去年市佔率13.6%,較日清高1.3個百分點,兩者距離進一步拉闊。不過這轉變港人未必感受到,單憑茶仔平日叫一丁,屋企最多不外乎一丁、合味道同公仔麵。
日清1984年進軍本港,過幾年即收購埋土砲公仔麵,港人經歷了十幾年「日清」霸權,直至「清仔」越賣越貴,麵底又唔好食,加上超市引入競爭,對手有韓國辛辣麵、壽桃牌和康師傅等,分薄了利潤,日清重施故技,去年10月攞埋福字麵的商標。
「清仔」在港氣勢轉弱,但在強國向來食康師傅塵,92年康師傅在強國賣出首碗紅燒牛肉麵,日清94年才進軍大陸,就算康師傅走弱,但強國超市至今仍感受到康師傅的霸氣,日清明白,故舊年斥10.1億人仔增持市佔率達17%的今麥郎。
不過Samantha提醒「清仔」,攻陷強國人味蕾比收購更實際,做好自己吧!

Samantha
本欄逢周一、三、五刊出