【上海直擊】Angelababy（楊穎）昨日一身豹紋裙在上海出席活動，外傳她將接拍內地劇做小龍女，她表示未接洽過，但心中小龍女典型是李若彤。男友黃曉明早前公開抱抱趙薇，Baby大方表示不會呷醋，更替男友有多年老友覺得幸福。
身穿豹紋裙的Angelababy昨日在上海出席鞋品活動，她在台下悠閒看騷，台灣男星高以翔則跟內地女模一齊行騷。Baby笑言大會沒邀請她行騷：「我有拍廣告㗎，我都好耐冇行騷，可能行得唔夠好啦。」
未傾過做小龍女
內地新劇《神雕俠侶》籌拍中，有傳Baby會演出小龍女，她一頭霧水說：「未傾過呢個工作，唔知點解有咁嘅傳聞。」她指一切要視劇本及工作安排才決定：「喺我心目中，李若彤係最完美嘅小龍女形象，我係睇佢同古天樂嗰個版本。」
談到黃曉明也曾扮演楊過，Baby表示沒看：「好少時間可以睇咁長嘅電視劇，不過知道係好成功嘅劇。」若做小龍女，楊過可要搵黃曉明？她說：「冇傾過呢個角色，冇諗過喎，搵靚仔㗎啦。」
男友好忙冇見面
男友黃曉明早前帶同生日蛋糕，慶祝趙薇37歲生日，其間更揑面、抱抱趙薇，親切非常，當年讀大學時有傳黃曉明曾力追趙薇，Baby對男友抱抱趙薇說：「證明佢嘅腳康復得好好，佢康復之後好多工作，等佢完成工作我哋先見面。」
Baby表示不會呷醋：「完全唔會唔開心，有一個十幾年嘅朋友係好幸福嘅事。我最近見番小學同學，覺得好親切，唔使諗太多其他嘢。」記者讚她大方，她說：「我係一個堅強嘅女人。」
採訪、攝影：葉雪
想睇更多首輪猛片介紹同預告片？《一台戲》為你網羅最新電影介紹及影評↓↓↓↓
http://hk.movies.nextmedia.com/