打星劉家輝前年中風致行動不便，要停工入住護老院休養，引發家人、助手爭人、爭產鬧劇，早前其子冼峻龍因不獲爸爸接見而報警，最近原本由其助手Eva擔任的委託人，改由樊奕敏出任，代為管理劉家輝一切事宜，包括他之前賺得的百多萬人民幣。
對於有指助手Eva擸住劉家輝的百萬人仔，樊奕敏昨在電話中說：「究竟有幾多錢唔方便透露，但家輝哥叫我向Eva攞番屬於佢自己嘅嘢，包括金錢及私人物品。係家輝哥要求我做委託人，其實佢係完全清晰自己嘅意願，想要乜嘢，做決定時都會有醫生、律師喺度，家輝哥唔願見某啲人係因為嗰啲人唔認同佢嘅做法，𠵱家家輝哥最需要平靜、休養，要啲空間面對自己嘅狀況同未來。」
採訪：丁寧
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/