田蕊妮、郭晉安、許亦妮同黃翠如等噚日出席無綫新古裝劇《舌劍上的公堂》開鏡，田蕊妮今次做一個口沫橫飛嘅衰人角色。
杜汶澤床戰娜姐
最近佢老公杜汶澤拍電影同周秀娜床戲連場，田蕊妮懶大方話：「戥老公高興，可能近日人好咗，有好事埋身，有機會同女神拍床戲享受一下。」言語間好大方，但一講到娜姐啱啱失戀，好易出事，佢就叫記者幫手做監察，仲話：「片場咁多人，邊會有事發生，靠晒你哋探多啲班。」郭晉安稍後會探湯盈盈，打算買啲一歲以上嬰兒用品送畀盈盈。
近日喺《心路GPS》跑出嘅黃翠如俾好友梁嘉琪叫做翠如BB，佢反駁話：「佢係咪玩我呀？」梁嘉琪講到同黃翠如冇乜聯絡，好似反目咁，黃翠如話：「我前日冇帶銀包，喺公司搵佢借錢，佢依然係我嘅女人，我哋由細識到大，冇嘢會影響到，近排只係少見咗。」關係曖昧容易惹來斷背揣測。黃翠如俾人叫做腐女，佢話：「我朋友專登幫我搵解釋，係指自我放棄，都好呀，有稱呼好過冇。」
撰文：馮仁昭
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/