香港貧富懸殊問題，惹起港英時代嘅中策組首席顧問顧汝德（圖）關注。八方聽聞顧汝德寫緊一本書，從政策方向剖析香港點解解決唔到貧窮問題，尤其香港明明好發達，點解硬係喺福利問題上做得唔好？顧汝德出書前亦接受「WYNG大師攝影獎」主辦團體嘅邀請，下周四（21日）中午12點半出席一個名為「富中思窮：被遺忘的香港貧窮族群」座談會，同《時代》雜誌亞洲版總編譚崇翰對談。
八方聽聞，呢個約一小時嘅座談會受到AO熱捧，有AO表明有意用食晏時間去聽書，睇吓有乜嘢方法幫梁班子拆彈。有興趣者可到以下網頁查詢： http://www.wyngmastersaward.hk/index.php/ch/master-exhibition-ch