【本報訊】曾受豬骨湯事件影響，生意一落千丈的味千中國（538），下半年業績遠勝預期，加上派高息，刺激股價急升17%。不過據有參予分析員會議的分析員透露，味千下半年業務改善主因，只是由於期內一次性大量裁減20%前線人手，涉及員工達數千人。
記者：吳綺慧
味千下半年度業績顯著改善，並非公司成功吸引消費者「回心轉意」光顧，而主要是靠裁員節省成本。味千去年上半年，員工開支原本按年勁升24%；但到下半年度，卻只溫和增長4%。期內分店數目則按年持平，大概為660間左右。
半年裁減近2,000人
「味千管理層都喺分析員會議上都承認，業績好過預期，好大部份是來自於裁員的影響，佢哋叫呢個係『提升效率計劃』，平均每間分店的前線員工數目，由原來的25人減到20人，裁減幅度大約係兩成。而餘下的員工，則可獲加薪20%，希望佢地就算多咗嘢做，辛苦咗，都唔會流失得太緊要。」一名分析員如此透露。
據悉，味千沒有披露年內共裁減的員工總數及現時整體員工數目。根據味千2011年年報顯示，於2011年12月底，味千共有1.57萬名員工，當中大部份屬分店前線人員；而到了2012年6月底，員工數目已減至1.38萬，即半年內裁減的員工已達1,900名。
主席：首兩月銷售改善
分析員引述味千管理層表示，削減分店人手的計劃，基本上已在去年全部完成，他們認為成效顯著。分析員表示：「我哋就會擔心公司裁減咗20%人手，會唔會影響服務質素？顧客等候時間又會長咗？公司就解釋睇到翻枱率有改善，證明是提升了效益。」
他認為，味千單靠裁員來改善業績，非長遠及正確之道：「生意見唔到顯著復蘇，叫唔返啲客幫襯，就講乜都係假。佢哋今年會增加多10%分店，算係確保到生意有返增長，但以現時估值約30倍來說，並唔吸引。」
味千主席兼行政總裁潘慰強調，1、2月的銷售正在不斷改善，有信心往上走的趨勢可延續，目標是全年同店銷售有增長，增派特別息是由於沒有大資金需求。