成日俾人話肥嘅苟芸慧原來運動細胞超強，特別係軟骨功更加一流，真係唔好睇小佢，前晚佢喺將軍澳電視廣播城拍住梁烈唯上遊戲節目《決戰一分鐘》，同場仲有高鈞賢、周麗淇同謝天華等。苟芸慧同唯唯非常合拍，仲俾李克勤話佢哋唔只螢幕情侶咁簡單。
苟芸慧巾幗不讓鬚眉，玩起嚟比唯唯更投入，玩「扭扭擰擰」時一展扭籮功，僅用8秒就將所有乒乓波fing甩，之後佢仲大展軟骨功，輕易將腳放喺頭上，仲被唯唯取笑佢正宗托大腳。玩到春光乍洩嘅苟芸慧仲話如果性感就可以直接贏一百萬，佢揚言着三點式都未驚過，唯唯即大讚佢係女中豪傑。
撰文：洪紅克
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/