皇家馬德里翼鋒基斯坦奴朗拿度，近呢兩季都有講過話想離開西班牙；佢經理人兼老友文迪斯，日前就為C朗重返曼聯嘅傳聞出聲。文迪斯建議佢好朋友，應該留喺皇馬踢多一季先，之後再諗吓去邊；換言之球迷應該唔會喺下季，見到佢重披紅魔戰衣喇。雖然皇馬冇講到明話會留住呢位球星，但係就話好開心佢對球會嘅貢獻。講真吖，有C朗喺手，又有邊個會想放走佢？