何超儀、林德信與林欣彤等昨在商台出席「饑饉三十2013」分享會，超儀自嘲如此大年紀才首次參加饑饉。問到何家淑女怎會有機會捱餓？她笑說：「所以要感受吓。」叫老公陳子聰參加？超儀說：「咁佢要操fit啲，人都可以食幾個，佢唔捱得過我。」
問到超儀可會叫食減肥藥搞到迷幻街頭的何超盈參加？超儀謂：「唔好咁啦，佢已經唔舒服。」饑饉現場多人照應，暈低也不用擔心，超儀聞言高呼不懂回答。問超儀可有食過減肥藥？她說：「細個有食，搞到心跳手震，好似佢（超盈）咁，但我冇溝退燒藥，𠵱家大年紀，仲食會死，跌低我都會散啦！」
採訪：胡比
攝影：陳慧安
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/