姜大偉都講過：「最鋒利嘅刀，都會有生銹嘅一日。」呢句放喺一代「入樽王」、小馬第6人卡達身上，真係最適合不過。佢日前接受《紐約時報》訪問，話以前入樽真係食生菜咁易，所以係唔係都會展示身手，娛樂球迷。但係今年36歲嘅佢，想唔認老都唔得，特別係落地嗰吓膝頭哥頂唔住；所以如果冇咩必要，卡達話都係上籃算數。聽見卡達咁講，都真係幾灰。