隔牆有耳︰　
樂樂狂索催情毛巾等行房 - 李八方

藝人樂樂同盈盈添咗B女，相反海洋公園熊貓館，熊貓仔樂樂、熊貓女盈盈，過去兩年無論自然交配抑或人工受精，都未見喜訊。

海洋公園翻睇樂樂盈盈交歡影片，發覺樂樂攀爬盈盈進行後進式交配，懷疑後腳唔夠力，盈盈唔耐煩，可能因此未能成功造熊貓仔，研究後決定加強樂樂後肢訓練，故意將熊貓最鍾意食嘅竹枝放高啲，樂樂爬高爬低先有得食；今年更特製高10cm平台，方便佢哋行房時體位較易交配。園方陸生動物部高級館長祝效忠話3至5月係大熊貓求偶期，但發情高峯期只有2至3日，園方會營造浪漫氣氛，例如攞盈盈用過嘅毛巾畀樂樂玩，等樂樂鍾意盈盈體味喎。