中環在線:<br>靄華如意算盤 打得響 - 李華華

中環在線:
靄華如意算盤 打得響 - 李華華

當舖股靄華押業(1319)噚日首日掛牌,收市升34%,算交到功課。創辦人陳策文同阿仔、即係靄華主席陳啟豪出席上市儀式時,笑到四萬咁口,原先估佢哋會唔會整個袖珍「大押」招牌送畀港交所(388)做紀念品,結果佢哋係送出一個白玉算盤。

朝奉專用 具代表性

雖然呢個白玉算盤唔算名貴,但夠晒代表性,事關上一輩嘅朝奉(即係當舖掌櫃)都係用算盤嚟計數,時至今日,香港仲有部份朝奉繼續用算盤,唔用計數機,所以算盤其實都幾具代表性,而且上市即日表現又唔錯,名副其實打響算盤。

首日掛牌逆市升三成,主席陳啟豪(右)送上白玉算盤,有心思。 程志遠攝