Facebook瘋傳那個忤逆仔等阿媽死就發達的對話，是否真有其事無人知。我有如假包換保證真有出處的個案和大家分享，為人父母者必讀！寶貝仔女心意，越早知越好，未雨綢繆嘛，奉勸各位預先入定幾櫃廁紙抹眼淚，不要妄想買紙巾，太貴了，慳得一蚊慳得一蚊啦！
話說兩老為慶祝退休金到手，在客廳中商討旅行大計，一個想參加郵輪行程看北極光，一個想看大遷徙；又想趁身體健康行動還自如周遊各地探望老朋友。興高采烈之際冷不防寶貝獨子從房中衝出來喝止，叫兩老「咪郁！做乜咁大想頭？不得亂使錢！」他結婚要用錢兩老早知，亦早經已「撥款」為寶貝預備妥善在六星級酒店舉行婚宴，又包埋歐洲度蜜月，兩老連忙追問寶貝何出此言，得到的答案是他們還需買樓，並要為日後孫兒準備一筆教育費！結婚兩老早知，亦講好婚後繼續一齊住，但突然要買樓搬出去住，難道咁快有孫抱？
責無旁貸要幫補
兩老搞錯了，不是寶貝要買樓，是他覺得現居只得三間房根本不夠用，因為新婚夫妻準備盡快生育，要騰出房間做BB以及工人房，兩老用不着住三房屋，買一間細的搬出去住最方便又化算。未來新抱已辭職全力準備婚禮事宜，之後專心相夫教子做賢妻良母喎。養大一個細路幾年前都話最少400萬，計埋通脹如今最少500萬啦，兩老又話要最少生兩個，即係加埋成千萬，即使不用供樓交租，靠他一份收入怎可能應付？阿爺阿嫲當然責無旁貸要幫補。寶貝都算有良心，話坐長途機舟車勞頓太辛苦，近近地去泰國鬆弛吓嘆吓經已快活過神仙啦，兩老呆在當場冇聲出！
剛好放假，打鐵趁熱，寶貝話請兩老飲茶，趕快去睇樓，睇啱盡快搬！
張慧敏
http://www.facebook.com/HKcareerdoctor