在香港做飲食業出名難，連茶餐廳都Promote $30任食的時候，要食一頓有環境、有質素的西餐往往價錢不菲。其實香港有不少有良心的社企餐廳，價廉外還坐擁靚景，可讓你靜靜地品嚐一頓「溫暖」的佳餚。
記者：何嘉茵 攝影：林栢鈞、陳盛臣、潘志恆
模特兒：Rain@Unique Model
悠然軒 吹海風嚐酒店菜
來到鴨脷洲，悠悠的海風吹拂臉頰，聽着海鷗的鳴叫聲，遙望着對岸的香港仔，感受着難得的悠閒舒暢，悠然軒就坐落在這樣的一個地方。甫進入悠然軒，逾25呎極高的落地玻璃令人眼前一亮，溫暖的陽光從外照射進來，窗外的海閃閃發光，雖然裝修有點簡樸，但有這樣開揚的景觀，在香港的確很奢侈！悠然軒屬低調小店，平日光顧的以街坊為主，人流不算多。此店專為殘障人士提供工作技能訓練，以實踐社區共融，負責人Jenny說：「學員每星期嚟一至兩次，學習樓面、水吧工作，呢度人流唔算多，佢哋較容易適應，同時客人又可以更了解佢哋。」
有海景的地方，怎可以沒有美食相伴？乍看餐牌，誤以為賣的只是茶餐廳貨色，看着一碟碟的菜式出爐，也甚美觀，且頗有驚喜。原來大廚Sam哥絕非泛泛之輩，他曾於舊淺水灣酒店及港島香格里拉擔任總廚，本來已退休，後得知悠然軒背後理念，便減人工毛遂自薦。Sam哥將以前酒店的招牌菜統統拿出來，而他最拿手的是咖喱牛筋腩，咖喱汁用黃薑粉、洋葱等配料熬煮近三小時，再加入先焗好的花生，他解釋：「正宗做法會加入果仁以增加咖喱香味，但因成本較高，所以我哋用花生取代，效果亦相差無幾。」微辣的咖喱齒頰留香，很開胃，伴碟的酥油餅亦是自家搓成，「呢個油餅喺香格里拉做時，偷望印度籍廚師學返嚟㗎！哈哈！」他笑說。
悠然軒（2518 3611）
地址：鴨脷洲洪聖街8號鴨脷洲體育館1樓
愛烘焙 精緻西餐
與悠然軒同是東華三院屬下的社企餐廳，愛烘焙卻走精緻西餐路線。其位於添馬公園「地常綠」內，餐廳外面有一片綠油油的青草，而店內的花柱、小盆栽則是為義工花卉設計師的傑作，把「綠色」和「藝術」Crossover，讓食客在煩囂中感受大自然氛圍，難怪吸引不少政界人士如政務司司長林鄭月娥經常幫襯。
店內提供意粉、沙律等精緻西餐，至於麵包、餅乾和甜品等則由西環的iBakery愛烘焙麵包工房每日新鮮供應。愛烘焙開業大半年已達至收支平衡，是少數毋須資助的社企，想必有其成功原因。「呢度位置好靚，對我哋生意有好大幫助，我哋走中高檔路線，仲記得剛開張時主菜只可揀配薯菜或意粉，後來收到唔少顧客反映，先可以選擇加白飯，但我哋𠵱家仍堅持唔做咖喱飯，始終唔想太港式。」負責人Florence坦言。這裏的早午晚市套餐每星期轉款，當中的香草蘆笋雜菌意粉便是最受歡迎菜式。Pesto醬中的羅勒和荷蘭香草以人手舂爛混合，再加入意大利Parmesan芝士，聞下去已有很香的青草味，味道清新不膩，比一般醬料更有口感。套餐配有的野菌忌廉湯，香滑微稠湯中，有粒粒的蘑菇肉，水準不錯。Florence告訴我一個小秘密，「喺添馬公園睇煙花一流，暫時無人知，唔使人逼人，鬆動到可以打羽毛球，唔少熟客會趁機幫襯，順道欣賞煙花滙演。」
愛烘焙（2352 2700）
地址：金鐘添馬公園添馬茶座
園景軒 山頂景抵食午餐
園景軒位處麥當勞道，這兒景觀媲美山頂餐廳，消費卻便宜至少一半以上。這裏除大廚外，其餘均是60歲以上的退休人士，別看輕他們，服務比年輕人更細心，「佢哋想客人健康啲，所以每日會調製健康特飲，如羅漢果茶、山楂薏米水等等。」負責人Alice說。
這店主力做午市套餐，菜式雖屬港式西餐，如蜆肉番茄醬意粉、黑椒牛仔骨飯等，但味道不俗。大大碟的泰式豬頸肉炒意粉，以沙茶醬、秘製香料炒成，夠鑊氣，而煙鴨胸配襯的鮮果沙律則以新鮮生果製成，夠誠意。
園景軒（3476 1390）
地址：中環麥當勞道1號基督教女青年會6樓