《喜》荷蘭老將施多夫喺上季稍為令人意外地，選擇咗巴甲聯賽作為佢職業生涯下一站，加盟保地花高。保地花高喺上季巴甲成績麻麻，只係得第7名，到咗今季終於贏到佢喺巴西球壇嘅第一個錦標。由里約熱內盧球隊參與嘅瓜納巴拉盃賽事喺周日進行決賽，結果有施多夫在陣嘅保地花高以1:0擊敗華斯高，贏番個冠軍。