香港嘅春天乍暖還寒，夜晚有時更帶點涼意，最好晚飯時飲番杯酒暖暖胃，抵抗呢個濕濕涼涼嘅天氣。最近香港旺角朗豪酒店嘅Tokoro推出咗「春之頌清酒盛宴」（$680），盛宴包六道菜式，六道菜精緻美味唔在講，最特別係只要加$300，就可以品嚐到六款頂級嘅清酒佳釀。以前菜「春笋麵醬魷魚、北海道原隻蒸海膽、鮑魚龍蝦禮物盒」為例，配上「手取川吉田藏純米大吟釀」，清爽口感，配海鮮最夾。至於「薄切比目魚、伴鮮明太子及乾明太子、昆布配清酒汁」，鮮明太子同乾明太子，其口感及味道對比強烈，配上清純嘅「山花純米大吟釀」就最Perfect！而「春之頌清酒盛宴」只於三月及四月晚餐期間供應，愛清酒嘅話，記住唔好錯過！
查詢：3552 3330