《喜》點解英格蘭萬人迷碧咸（圖）肯將巴黎聖日耳門啲人工捐出嚟？一來咸哥有心，二來佢啲錢真係多到使唔晒！據Goal Rich List最新統計，碧咸身家有1.75億鎊（約20.2億港元），係世界上最有錢嘅足球員，拋離其他球員幾條街。排第2嘅美斯都少碧咸幾千萬鎊，估計身家有1.16億鎊，而基斯坦奴朗拿度就差美斯少少，都有1.12億鎊。第4位嘅係卡卡，但佢副身家已經同前3名差一截，只係得6,650萬鎊。