【沙士疫變10年】
【本報訊】2003年沙士爆發，人心惶惶，大部份人寧願留個錢傍身，那年開售呎價4,000多元的港島豪宅貝沙灣無人問津，從事地產分析多年的張一鳴卻大膽博一鋪，在貝沙灣開售半年後，以725萬元購入千幾呎單位，今天該盤樓價漲至每呎1.5萬元，身家賬面升兩倍。
記者：陳家雄 朱連峰
當時經濟蕭條，打工仔怕飯碗不保，他卻大膽入市，「我相信香港唔會死！」理由是中國一定會支持香港，「一個13億人口嘅國家，要救一個700萬人口嘅地方，一點都唔難。而且九七之後，香港經濟持續差，英國人管治得掂，主權移交後，中國竟然管唔掂？關乎面子問題，中國一定會出手。」
淘大無平盤 轉買嘉兆臺
03年3月26日，淘大E座封樓，他卻開始四出搵樓，首個目標不是貝沙灣，而是沙士源頭淘大花園，他說要在別人恐慌時貪婪，「經紀說，人哋咁慘，你仲嚟搞搞震！」最終開價60萬元，無人放盤。
後來轉移目標至樓齡廿多年的西半山嘉兆臺，因為那是指標屋苑，很多專業人士聚居，最重要是，銀行估價每呎3,400元，業主卻開價每呎3,200元，「我即刻扑槌！」最終以405萬元購入，持貨約3個月，以483.8萬元沽出，淨賺78.3萬元，換入貝沙灣，「幾時新樓都好過舊樓，揸都揸得耐啲。」
決定換入貝沙灣之初，女友是拒絕的，「她聽人家說，地方偏僻，交通不便」，一度放棄，後來跟女友到數碼港看電影，順道參觀，「親身體驗後，卻有另一番滋味，感覺很像大學社區，配套完善，小朋友的活動空間很多。」人家說交通不便，他駕車來往中環，原來只消15分鐘。
十年一劫 估今年樓價冧
03年底，以725萬元購入一個建築面積1,372方呎中層單位，呎價約5,280元，十年後，同類單位成交的建築呎價已升至約1.5萬元，單是這個物業，已令他身家漲近兩倍。 「你話我發達？一定唔係，單位係自住，一日未賣，錢仍未落袋。假如03年我有足夠嘅錢，我可以掃樓，咁今日就真係發達了！」
他認為，樓市周期通常5至10年，戰後至今已經歷10個周期，「2003年至今，剛好十年，𠵱家要小心！當樓市出現泡沫，好多人會話『唔使驚！今次唔同。』但結果永遠都係爆煲。因為甚麼爆？冇人知。」
他說，2009年已覺樓市見頂，於是賣去部份投資物業，「唉！怎料09年後，樓市又升多兩成。因為冇人估到美國會無限量印銀紙，亦冇想到香港政府好心做壞事，喺供應未有前，製造需求，呢啲係一個中五學生都識嘅基本理論。」
兩年前，將自住單位放租，搬去租個2,000幾呎的碧瑤灣，好讓呱呱落地的一對孖仔有更多空間。怎料碧瑤灣租約期滿，業主加租五成，惟有收回貝沙灣自住，「千五呎真係唔夠用，有兩個傭人湊住兩個細路仔。但錯過咗樓市周期底，就惟有忍。𠵱家惟有住逼一啲，等下一個周期底來臨先出擊。」
沙士疫潮事過境遷已10年，當年的傷痛可能仍未能磨滅，當事人可和讀者分享自己歷劫餘生的經驗，歡迎電郵至本報mailto:[email protected]。