日前香港社運人士楊匡到北京探望維權民運人士劉曉波妻子劉霞，同行採訪的香港記者包括無綫攝影師遭圍毆，事件惹起公憤。無綫昨借新劇《女警愛作戰》宣傳活動上另類發聲，安排藝員程可為與呂珊舉起「為港發聲」標語之餘，二人更先後高叫「新聞採訪自由」及「還我公眾知情權」。
今日首播的無綫新劇《女警愛作戰》昨日於馬鞍山舉行宣傳活動大晒冷，一眾演員如周麗淇（Niki）、謝天華等皆以戲中造型出席。日前無綫攝影師於北京採訪被毆，無綫昨日借劇集作另類發聲，程可為劇中兒子謝天華飾演記者，她與呂珊等於台上高舉「為港發聲」的標語，並謂：「支持個仔，要新聞採訪自由。」呂珊則表示：「還我公眾知情權！」
「唔應該用暴力」
事後記者致電程可為和呂珊，她們異口同聲表示台詞並非個人意見，只是跟公司稿讀，對記者北京採訪被毆一事，呂珊說：「有啲驚訝，𠵱家仲有呢啲情況，任何情況都唔應該暴力對待記者，打仗都唔會。」
近年中港矛盾日益加劇，孕婦爭床位、水貨客搶奶粉等問題不絕於耳，而曾被網民戲稱為「CCTVB」的無綫亦不時以此為題材，昨日的宣傳活動中，亦上演一場中港矛盾趣劇來帶出戲中角色，其中演孕婦的李綺雯向扮演水貨客的演員大叫：「還我奶粉、還我床位！」
Niki鬧天華好賤
謝天華昨日不斷揶揄Niki沒身材，他先在台上向Niki表示：「你睇吓朱璇，乜都大過你，眼又大過你，又睇下李璧琦對腳幾靚。」天華被問到有否留意劇中有床上戲的對手李璧琦身材是否很犀利？他說：「勁過周麗淇，冇人勁唔過佢。」連番被取笑的Niki說：「費事講天華，佢心靈脆弱呀！佢係戲入面叫賤精，現實生活都好賤。」
採訪：文國駿
攝影：陳志嵐
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/