【本報訊】名牌LV（LOUIS VUITTON）控小商戶侵權風波越演越烈，數名網民昨響應網上號召，自製多種LV啡格到廣東道旗艦店挑機，如啡格朱古力、胸圍及內褲等，揚言不怕被LV控告；另有網民在LV旗艦店外大灑陰司紙，怒責LV霸權只欺壓小市民，扼殺香港創意工業，呼籲市民罷買LV產品。律師翁靜晶也專程到場聲援，批評LV只「追住啲小商戶嚟告！」
記者：譚靜雯
在facebook發起的「【網民自發】圍LV！打倒名牌霸權！」專頁，號召網民昨午1時到廣東道LV旗艦店「參觀」，又呼籲自備啡格圖案、金扣等挑機。未到1時，已有一名網民全副「裝備」抵達旗艦店外抗議。職業是文員的網民鄧簡文（曾選亞洲先生的香蕉男）自行設計三款偽LV產品，包括女性專用啡格胸圍、男士孖煙囪及格仔朱古力挑戰LV，更將產品穿在身上，揚言不怕LV控告侵權，「我都想知咁樣要罰幾多錢，佢最好畀張罰款清單我」。
「當自己係法官」
鄧先生批評LV只欺壓小商戶，扼殺香港創意工業：「如果有設計師鍾意用啡格，咁樣係咪唔得？鍾意健身嘅男人如果將腹肌曬到一格格啡色，咁LV係咪會告埋佢哋？」他質疑尖沙嘴海防道地磚都是啡格，「LV夠膽告埋香港政府」。他又批評LV濫用法律，「當正自己係法官，未審就罰你幾錢幾錢，凌駕咗香港嘅司法制度」。
其後陸續有幾名網民加入「圍」LV行列，也有戴上V煞面具的網民手持「Leech Vampire」（吸血蟲吸血鬼）標語，諷刺LV應改名為吸血鬼，專門欺壓小市民血汗金錢，又呼籲市民遊客罷買，指應視買LV為恥辱；也有網民在門外大灑陰司紙，吸引大批市民及遊客圍觀及拍照。原本假日要排隊才可進入LV的人龍，因今次行動而「消失」。
學術書籍也被控
律師翁靜晶昨也身穿綠色格仔衣服到廣東道聲援，她說LV控小商戶行動令她要站出來，「成世人第一次，睇到幾個個案，有朋友試過收LV律師信好驚、又瞓唔到，精神好困擾，LV開賠償、佢哋賠唔起好離譜」。她稱四年前LV已經開始控小商戶行動，曾有朋友出版新書講述名牌商標、設計，反遭LV發律師信控告侵權，除了賠償、道歉，更要銷毀書籍，「本書講商標、每個名牌點設計，屬學術性討論，唔可以話人侵權，版權法係有豁免，我哋回信畀LV講出自己理據，最終LV不了了之」。
她要求LV公開過去曾追討的涉侵權個案：「之前做咗幾多？涉及幾多錢？有幾多係小市民喺唔應該賠嘅情況下賠咗呢？」至於日前到中環LV挑機的黃夏蕙昨日亦有到場。