公民黨立法會法律界議員郭榮鏗（Dennis），噚日強勢回歸海怡半島開設議員辦事處。話Dennis係強勢回歸，因為佢喺2011年嘅區議會選舉，曾經喺海怡東出選，但最終落敗，Dennis今次以立法會議員身份，拍住陳家洛喺海怡東商場設立聯合辦事處，相信唔少當日投票選佢嘅朋友都會好開心，之後Dennis仲會去東涌同郭家麒成立辦事處。係咪打算走直選，佢話言之尚早喎。
噚日公民黨副主席陳淑莊（Tanya）都有出席，Tanya話，呢排香港人趁日圓暴跌遊日本，佢話佢都打算遲啲去日本賞櫻花、浸溫泉，遊伴係佢老媽子。但佢話阿媽想去韓國多啲，所以Tanya呢排要說服媽媽，話佢知日本旅遊都一樣咁正。