一班政治助理過往不時參加無國界醫生搞嘅野外定向「名人」邀請賽；上年前保安局政助盧奕基夥拍前教育局政助楊哲安，同埋民政事務局政助徐英偉及前特首辦特別助理陳岳鵬，就攞到冠軍，今屆佢哋就搵食衞局副局長陳肇始加入，組成團隊「政能量」出賽，點知竟然三甲不入，唔知同新女加入有冇關？
反而立法會議員范國威同莫乃光，加上無國界醫生救援人員歐耀佳醫生組成嘅「活力救援」隊則爆冷攞到冠軍。
據知咖喱范同阿莫賽前都自稱方向感麻麻，唔包尾就偷笑，點知脫穎而出，搞到成地眼鏡碎。而今年參賽者創下新高，達3,000人，為無國界醫生籌到逾480萬。