【專訪】
當模特兒公司老闆應該好爽，經常被年輕俊男美女包圍，一紙合約可以讓他們發一個明星夢，若然每年有一兩位爆紅，為公司賺到錢，公司又做到上市的話，真是名利雙收，過癮到痺。
捧紅吳千語、Amanda S.、連詩雅和周柏豪的模特兒公司種星堂（Starz People），老闆鄒世龍坦言，早於06、07年新股熱炒時，很多投行問他有沒有興趣把97年成立的公司上市，雖然當時市旺，又有十年佳績，但他認為發展未成熟，請對方食閉門羹。
「投行來搵生意係一次過，但我重視翻單，唔想見到股價潛水。」本身是富家子弟，鄒世龍重視聲譽和面子，講明「市場上概念股有好多，但我希望做實力股。」
簽model如超市入貨
他以超級市場形容模特兒公司的經營模式，要有各式各樣的「貨」，「大路靚嘢人人鍾意，所以最賣得、主流嘅一定有，另類又要有。」舉例說時裝界或突興起用黑人模特兒，公司有貨才有供應。
不停入貨，當然會入錯貨，惟有盡快散貨。鄒世龍粗略估計，簽100名模特兒，可能有10至20名是入錯貨，通常建議對方嘗試到內地或東南亞發展。每年入貨、換貨，種星堂維持旗下有80位模特兒。鄒世龍仍偶爾在街上物色新人，早前行經補習社，發掘一名陽光男孩，已接拍一個未出街的廣告。
他不時跟人分享，揀女仔最緊要看上去舒服、順眼，揀男仔都是大同小異。最重要是，時代不同，八、九十年代，時裝界比較腌尖，現在偏向優閒，需要「入屋」的模特兒。消費者亦學精，明白自己跟模特兒穿上同一件衫，效果未必一樣。
鄒世龍稱，公司的發展「仲上緊」，但客戶的要求越來越高，「要諗多啲計先計得掂條數」。言語間，聽得出鄒老闆心裏有團火，上市似乎是遲早的事，當茶餐廳、補習社、當舖都可以上市，模特兒公司上市應該無難度。
鄒世龍小檔案
50歲，與妻子唐浩雯育有兩名子女
1997年創立種星堂（Starz People）
熱愛賽車，年輕時曾與梅艷芳、翁美玲等女星拍拖
李華華
mailto:[email protected]
新game出爐 ～ 快啲試下自己有無辦法上車啦！
【「樓」年運程小測試】
http://www.tomonews.net/game/hkhousingpolicy/