今期《壹週刊》報道，法輪功同青年關愛協會喺銅鑼灣崇光對出行人路大鬥法，大塊大塊banner掛喺欄桿兩邊，阻街之餘更有礙觀瞻。警方同食環署齊齊卸膞話不屬佢哋管轄範圍，唐牛睇到火都嚟埋，同樣佔領公共地方，點解屬港人集體回憶嘅街頭小食卻被趕盡殺絕，狼英政府根本不知民情為何物。
卓悅（653）早前公佈，年初一至初七期間，零售及同店銷售按年分別勁升29%及38%，遠超市場預期，仲勁過龍頭莎莎（178），上周五股價破旗升3.7%，收報1.11元，配合成交大增，短線再上層樓難度唔大。
截至去年6月底，卓悅半年盈利倒退35%，主要受累租金成本上漲，惟毛利率依然有1.2個百分點增長，集團講明未來會採取嚴謹擴張策略，相信租金壓力有望紓緩。除化妝品外，卓悅亦有售嬰兒用品，當中包括最搶手嘅奶粉，部份產品成本亦受惠日圓貶值而下降，配合網上購物攻勢，有望成為股價上升催化劑。
唐牛