財爺鬍鬚曾月入逾37萬都「謙稱」自己係中產，八方真係好想知道，係乜嘢令到「中產華」擁有呢種咁獨特嘅生活態度。點知佢咁啱就喺自己個網誌度，寫咗篇題為「不一樣的CV」嘅文章，塞錢入讀者個袋。
「中產華」自爆當年喺美國麻省理工學院主修建築，暑期工去咗地盤做建築工人，要搬70磅石膏板，人哋搬完飲啤酒聽音樂，佢都未搬完。喺美國，建築工人薪水係最低工資嘅五倍。佢話，當時年輕人都希望有啲唔同嘅生活體驗。嗱！呢啲咪係生活態度囉！「中產華」畢業後，又曾經喺波士頓一間老人中心打工，洗地、送飯、填申請表一腳踢。其實佢樣樣嘢都做過，點解又要加入政府呢？