網隊上周五主場炒巫師95:78，賽果正常不過，不過講到今場攻入42分嘅網隊控衞迪朗威廉士，就認真唔講得笑。佢全場射入咗11球3分波，破咗自己職業生涯同隊史單場紀錄之外，半場9次外圍得手更係刷新咗聯盟紀錄。其實迪朗差一球就平到聯盟單場最多3分命中嘅紀錄，可惜佢有球單擋之後傳咗畀祖莊遜，全場球迷可惜到即時「噢」咗一聲。