財爺36萬元月薪自認中產，咁月薪3萬元者除突然降格至基層外，家下仲多個稱號叫「任魚部隊」。積金局舊年6月才正式將MPF供款薪金上限由2萬元提升至2.5萬元，唔夠一年又建議將上限進一步提高至3萬元。即是說月薪3萬元打工仔，每月MPF供款由𠵱家1,250元增至1,500元，無啦啦變相減薪，真係唔火滾就假。
調高上限的原因話同最低工資調整有關，對於賺最低工資的打工仔時薪由28元增至30元，毛丘戥佢哋高興，但點解憑呢個原因向3萬元月薪的人開刀？真係難以理解。佢哋絕對唔係最低工資的受惠者，睇遠點因整體工資上升令通脹增加，令佢哋購買力縮水，仲可以話係受害者，一方面受生活壓力所逼，另一面每月被額外抽水卻冇得say no，唯一選擇是「硬食」。
魯毛丘