甩拖周秀娜近日體重急跌到88磅，瘦到皮包骨，外間傳佢受情傷打擊，但娜姐解釋話暴瘦全因近排為月中開拍由黃永峰監製嘅新戲《爆3俏嬌娃》，佢喺戲中會同𡃁模師妹DaDa、Hidy有好多動作戲，所以要苦練功夫，三女前晚約埋師弟La Ying同趙勁皓（King）一齊跟師傅學功夫。
瘦蜢蜢嘅娜姐秘密練功幾個月，成績都唔錯，見佢輕而易舉做到一字馬，絕對唔係花拳繡腿，尤其起飛腳又直又勁，佢同師弟大隻King對打嗰陣，阿King俾勁力娜姐打到係咁縮，娜姐再嚟一招撩陰腿，King即時彎腰出手擋，力保小King King。娜姐為咗練功搞到周身瘀，佢話：「拉筋壓腿令敏感部位好痛，我有時坐埋一邊按摩，搞到好尷尬。」
撰文：洪紅克
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/