【挺身而出】
周四順利抵達劉霞屋苑的楊匡，直言今次能成功探劉，有賴屋苑居民協助，提醒他們便衣人員所在，他指北京人在八九民運後害怕秋後算賬，但眼見別人受逼迫時仍會挺身而出，「佢哋完全知道劉霞咁樣被困係唔啱……咁耐以嚟北京人唔係冷漠無情，佢哋係睇到身邊嘅嘢」。
楊匡昨接受訪問，提到小區居民時心情激動：「我哋去到現場先寫字，其他行過啲街坊，行過見到我哋，知道我哋做乜嘢，都不斷提醒我哋：『那邊有便衣，打人很兇。』佢哋係完全知道劉霞咁樣被困係唔啱，完全知道我哋做乜嘢。」
對於小區居民不怕危險開腔提醒，楊匡表示：「我唔單止係覺得感動，仲係有啲意外，其實咁耐以嚟北京人唔係冷漠無情，佢哋係睇到身邊嘅嘢，不過係八九（民運）秋後算賬，對北京人好大好大傷害，佢哋已經唔敢再講任何嘢，但見到其他人可能會受到逼迫時，都會過嚟講一句。」
《蘋果》記者