超盈同父異母的姊姊何超儀昨日到商台做訪問，超儀早前與好友徐濠縈等都因飯局事件跟徐淑敏老公黃浩發生爭拗，就超盈前日鼻下沾着大撻白色粉末迷糊出現銅鑼灣，超儀接受訪問時表示未看報道，現場記者即遞上手機版《蘋果動新聞》，她聚精滙神，看到超盈鼻下人中沾白色粉末，超儀說：「佢唔舒服咋，鼻涕嚟㗎，你哋咁屈佢，玩到咁嚴重。大佬，一個名人有篤鼻涕喺度又冇紙巾，見到記者走唔走吖，梗係走啦，如果問你哋（記者）攞紙巾，你哋畀佢先定影相先，玩佢唔好玩得咁行。我覺得佢係感冒，唔覺佢好high。」
「唔舒服唔好周街去」
超盈步履不穩呆站街頭半小時，超儀說：「人有自由，咁佢鍾意喺街企。」問到超儀對超盈印象時，她再三強調彼此沒來往，她說：「佢好nice，上次活動撞到，有合照吹水。」可有聽過超盈訴感情事？超儀說：「傾得三分鐘，唔會咁快將心底話同你講嘛，黐線嘅咩。」超儀離開前仍勸喻超盈：「唔舒服唔好周街去，下次睇完醫生，冇人接就打畀朋友。」
此外，甩拖超盈早前被爆跟林建岳三女林愛兒過從甚密，超盈更與母親反目離家出走，還到林愛兒的九龍塘寓所過夜。超盈前日迷幻街頭，密友林愛兒卻未見現身，但林家大宅外卻聚集了記者採訪，直至截稿前未見林愛兒蹤影。
採訪：胡比、藍文浩、楊浩賢
攝影：仇志德、陳辰、吳耀輝
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/