個人認為中產是以lifestyle定義的。住得起一間似樣的樓（起碼千幾呎），夠錢送子女去外國讀書，揸架靚車，得閒去吓旅行，出入高級場所咁囉。
呢類人，通常個人月入起碼10至20萬元，總資產以千萬元計，按職業來說多數做金融、專業人士、政府高官、大學教授等等。另外一個特色，就係本身職業備受尊重，在社會上有一定地位。
至於有錢人的lifestyle，其最大特色就是有financial stability，唔撈都可以過好日子，中產一般都唔得，afford唔起唔撈。
講到尾，我認同財爺話自己係中產。按我的定義，月入10至300萬元都算中產。無論你點講，今時今日你月搵3、5萬元真係完全過唔到好的生活。住幾百呎樓，車都冇，分分鐘喺外國掃街嘅都撈得好過你。按收入百分比計完全冇意義，因為香港貧富差距實在太大。我講緊啲中產可能只佔全港人口5%，真正的有錢人，可能0.1%都冇。
其實一句話引起咁多反響，就是因為一語道破香港太多窮人這個事實，傷害到好多人的自尊。狀況應唔應該改變係另一件事，但我唔認為財爺講錯嘢。
網民 Wishful Thinking
本欄園地公開，歡迎各界來信，以450字為限，
請電郵至mailto:[email protected]，
註明《家》樓民講場，請留聯絡電話。編輯保留文章的刪減權。