向來富貴的陸詩韻最近被周刊指與一名中坑三度飛汶萊，她昨日為此舉行記者會，強調所謂中坑是她的未婚夫。至於出入汶萊，陸詩韻解釋是為了推廣馬來西亞古晉的旅遊業，由於古晉沒直航機到，故她要從汶萊入境大馬，席間她更公開護照的出入境日期以示清白。
現年32歲的陸詩韻日前被指與一名中年男子近半年來三度飛汶萊，又有司機駕駛名車接載他們，非常富貴。由於她有感形象受損，所以昨日臨時舉行記者會，又接受電台訪問，力證自己清白。
陸詩韻昨日在女友人陪同下到將軍澳一酒樓舉行記者會，她更帶齊護照等證據，顯然有備而來。提到一起到汶萊的中坑，陸詩韻解釋該男子是她的未婚夫，兩人拍了幾年拖，她說：「佢叫Jeff，係行外人，做生意，好低調。佢知道我以前嘅新聞，我哋冇秘密，我想保護呢段感情，但最驚係記者影我屋企人嘅車，我唔想家人受騷擾。」問到婚期，她說：「未知，可能佢睇到報道會積極啲，佢亦都未求婚，我好傳統，呢樣一定要做，我已認定佢係結婚對象，唔係個個都可以叫未婚夫。」她表示會考慮採取法律行動。
經汶萊入境大馬
另外，陸詩韻昨日接受新城節目《晨「希」．Good Day》電話訪問，她表示前日從馬來西亞返港，並說：「所謂中坑，我覺得好肉酸，我冇，其實佢係我未婚夫，用中坑呢個字太過貶義，我唔明點解話我帶未婚夫去汶萊做呢啲嘢，或者佢哋所講嘅某啲嘢，我覺得好神奇。」
問為何要去汶萊，陸詩韻說：「我一直幫馬來西亞旅遊局推廣砂勞越嘅古晉旅遊業，每次去古晉呢個城市係冇直航機，我要經汶萊過馬來西亞邊境，我唔明點解佢哋唔跟埋我過境，而要話我逗留汶萊九日，最好證據就係passport有蓋印，我唔介意畀大家睇，我係即日出境、即日入境馬來西亞。」她指該司機除了是她的拍檔外，更是一間中學的校董，她說：「呢間學校6月底有個慈善晚宴，請我去做嘉賓，亦有感謝狀畀我。」
採訪、攝影：黃曉妍
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/