喺歐霸盃出咗局嘅利物浦，喺周四唔使比賽，就去咗做啲有意義嘅事，就係支持紅鼻子慈善活動（Comic Relief），派出後衞馬田基利同埋中場舒維爾落廚鬥整蛋糕，結果整咗個海綿蛋糕嘅馬田基利就贏咗。另外，紅軍為咗留住入球停不了嘅前鋒蘇亞雷斯，據報打算向呢名烏拉圭國腳加薪50%，諗住用12萬（約150萬港元）周薪嚟同佢續約㖭！