成王敗寇，勸費Sir無謂太激心，還是將憤怒轉化成動力激勵戰將，迎接嚟緊明天英足盃大戰車仔要緊。踏入季中後，莊家膽亦大了，多開讓球盤（周六日有49場）。今周重點，狙擊周中剛戰畢歐霸嘅車仔同熱刺，分撐曼聯同利記兩紅軍明天主場讓半/一上盤；今晚則獨取西布朗。
拿尼嗰腳係咪紅牌，其實已成過去，各有道理，拗也無謂；我倒想喺本欄大讚足智彩開盤手好嘢，戰果開出全世界傾注押向曼聯受讓平/半下盤嘅對家，皇馬上盤（周中同佢哋高層午膳，對方亦確認當晚大部份注碼押向曼聯）。零和遊戲遇注碼傾斜，另一方風險自是提高；冇人會知拿尼如果唔攞紅牌，形勢係咪會一樣逆轉，但結果係買皇馬者，已袋袋平安。
該馬會高層一路高興今季不論波、馬投注都有可觀增幅，一路擔心各地聯賽大局已定投注意欲減；其實𠵱家投注者最緊要時段好有直播，而且既然各地冠軍已大定，點解唔開埋爭第2或爭入前4踢到歐聯席位等特別彩池，提高投注意欲。望開盤手或批核投注種類嘅民政事務局大員，咪咁盲塞，大勢所趨，咪益外圍佬。
上周正副選貼中兩個入球「大」，拗也無謂；今周簡簡單單，時近季尾，車仔熱刺戰畢歐霸還要應付明天各自在英足盃同聯賽嘅大戰，就一併捧曼利兩個半/一上盤；今晚唔信「天鵝」史雲斯仲咁勁，西布朗有盧卡古復出，主場讓得起隻「鵝」。文：蘋果波神
（下次見報日期：16/03）