【本報訊】無業漢帶着一身酸臭味，進入旺角信和中心的動漫店後「齋睇唔買」，駐足看電視。店員見其異味趕客遂下逐客令，異味男反問在場顧客「我個身臭唔臭？」觸發與店員口角。店員繼而將他拖出店外走廊，糾纏間異味男手指受傷。店員昨天被裁定普通襲擊罪成，罰款2,000元、監禁三個月，緩刑三年。
記者：陸羽平、樊素心
案發去年11月11日下午，被告蕭家威（30歲）見身上傳出酸臭味的事主施漢佑進入店內，拿起一隻超人劇場版光碟，然後駐足觀看店內的電視機。被告稱當時有數名顧客，其中一名小孩欲離開店舖。
被告突然指摘施：「唔好喺呢度睇（電視）吖！」施反問：「我唔喺呢度睇，喺邊度睇呀？你開住電視就係畀人睇，除非你熄電視！」被告怒喝：「你係咪玩嘢，擺明玩嘢！阻住做生意！」施答：「你打開門就係畀客入嚟㗎啦！」又轉身問其他客人：「我係咪身上面有陣味？我個身臭唔臭？」一名男顧客隨即放下手中貨品，離開動漫店。
官要求事主除帽入庭
被告見狀大喊：「叫差人嚟！叫保安！」無奈霎時間他找不到保安員，於是與另一名男同事將施抬出店外。施形容當時遭二人「一人箍頸，一人扯衫」拖至走廊，他求救兼試圖掙脫不果，反遭推倒在地上，他見中指受傷，遂報警。
案件昨天於觀塘裁判法院審訊，裁判官蘇文隆見施頭戴運動帽出庭作供，遂要求他脫下帽。施起初拒絕，終往洗手間整理儀容。他其後束起長髮再入庭，獲蘇官讚賞：「咁咪幾好，梳吓咪幾好！」蘇官判刑時指，被告有權在租用範圍內保護自己的合法權益，但超出租賃範圍須靠保安協助，「如果喺範圍以外地方都驅趕，會世界大亂」。信和其他動漫店職員昨指，對施有印象，尤其是體味。
案件編號：KTCC93/13